11 اکتوبر ، 2021 
اشرف غنی کے فرار سے قبل نوٹوں سے بھرے تھیلے دیکھے، فوٹیج بھی ہے، باڈی گارڈ
11 اکتوبر ، 2021
افغانستان کے سابق صدر اشرف غنی کے باڈی گارڈ کا کہنا ہے کہ اشرف غنی ملک سے لاکھوں ڈالر لے کر فرار ہوئے۔
باڈی گارڈ نے دعویٰ کیا کہ اشرف غنی کے فرار سے قبل اس نے نوٹوں سے بھرے تھیلے صدارتی محل میں آتے نہ صرف دیکھے بلکہ اس کے پاس اس کی ٖفوٹیج بھی موجود ہے۔
برطانوی اخبار کو انٹرویو میں اشرف غنی کے باڈی گارڈ بریگیڈیئر جنرل پیراز عطا شریفی کا کہنا تھا کہ اشرف غنی کے فرار سے پہلے صدارتی محل میں بینک سے ایک آدمی نوٹوں سے بھرے تھیلے لے کر آیا، ان تھیلوں میں لاکھوں یا شاید اربوں ڈالر ہوں گے۔
باڈی گارڈ نے کہا کہ صدارتی محل میں نوٹوں کے تھیلے لانے کی سی سی ٹی وی فوٹیج بھی میرے پاس ہے، وہ پیسے کرنسی ایکسچینج مارکیٹ لے جانے کے لیے تھےجو اشرف غنی لے گئے۔
باڈی گارڈ نے بتایا کہ صدارتی محل میں ہر جمعرات کو کرنسی ایکسچینج مارکیٹ کے پیسے آتے تھے، اشرف غنی یہ بات جانتے تھےاس لیے وہ سارے پیسے لے کر فرار ہوگئے۔
خیال رہے کہ 15 اگست کو طالبان کے کابل میں داخل ہونے سے قبل ہی اشرف غنی کابل سے فرار ہوگئے تھے۔
امریکی سرکاری ایجنسی نے دعویٰ کیا تھا کہ اشرف غنی ملک سے 16 کروڑ 90 لاکھ ڈالر لے کر فرار ہوئے تاہم اشرف غنی نے ان الزامات کی تردید کردی تھی۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
