'جب پیسے نہیں تھے تو تالا کیوں لگایا؟‘ زیادہ رقم نہ ملنے پر چور کا طنزیہ خط

بھارتی ریاست مدھیا پردیش میں ایک عجیب واقعہ پیش آیا جہاں ایک چور گورنمنٹ ملازم کے گھر سے زیادہ نقدی اور سامان نہ ملنے پر ایک طنزیہ خط لکھ کر چھوڑ گیا۔

بھارتی میڈیا کے مطابق مدھیا پردیش میں چور ایک گورنمنٹ ملازم کے گھر چوری کرنے کیلئے پہنچا مگر بد قسمتی سے اسے کوئی بھاری رقم یاسامان ہاتھ نہ لگا۔

تاہم چور 30 ہزار روپے اور تھوڑی سی جیولری لے کر  فرار ہوگیا۔

بھارتی میڈیا کے مطابق چوری کرنےکے بعدچور نے طنز کرتے ہوئے ایک خط لکھا کہ 'جب پیسے ہی نہیں تھے تو تالا کیوں لگایا تھا' اور خط کو وہیں چھوڑ گیا۔

پولیس کے مطابق چور کی تلاش جار ی ہے جبکہ نامعلوم شخص کے خلاف ایف آئی آر درج کرلی گئی ہے۔