15 اکتوبر ، 2021 
پاکستان
عوام سے فراڈ کیسز پرنیب کا دائرہ اختیار ختم ہونےکے بعد پہلا ریفرنس واپس کردیا گیا
15 اکتوبر ، 2021
عوام سے فراڈ کےکیسز پرقومی احتساب بیورو (نیب) کا دائرہ اختیار ختم ہونےکے بعد باضابطہ طور پر پہلا ریفرنس واپس کردیا گیا ۔
راولپنڈی کی احتساب عدالت میں دائر ریفرنس ملزم کے وکیل کی درخواست پر نیب راولپنڈی کو واپس کردیا گیا۔
تفتیشی افسر کو 10 دن کے اندر متعلقہ عدالت میں کیس بھیجنےکی ہدایت کی گئی ہے۔
ریفرنس میں ملزمان پر فلیٹس میں سرمایہ کاری کے نام پر فراڈ کا الزام تھا جس پر نیب نے غلام محبوب، عابد محمود اور شازیہ حیدر کے خلاف ریفرنس دائر کر رکھا تھا۔
