سعودی ولی عہد کی دعوت پر وزیراعظم سعودی عرب کا دورہ کریں گے

وزیراعظم عمران خان 23 اکتوبر کو سعودی عرب کے سرکاری دورے پر روانہ ہوں گے۔

2 روزہ دورے کے دوران وزیر اعظم سعودی قیادت سے ملاقاتیں کریں گے اور ریاض میں منعقدہ مڈل ایسٹ گرین انیشیٹیو سربراہ اجلاس میں شرکت کریں گے۔

وزیراعظم کا دورہ سعودی عرب پاکستان کیلئے خوشیوں کی نوید ہوگا: وزیر خارجہ

سعودی ولی عہد شہزادہ محمد بن سلمان نے وزیراعظم عمران خان کی دورہ پاکستان کی دعوت قبول کر لی ہے: شاہ محمود قریشی

ترجمان دفتر خارجہ کے مطابق وزیر اعظم عمران خان سعودی ولی عہد شہزادہ محمد بن سلمان کی دعوت پر 23 اکتوبر کو سعودی عرب کا 2 روزہ سرکاری دورہ کریں گے۔ وزیر اعظم کے ہمراہ اعلیٰ سطح کا وفد بھی سعودی عرب جائے گا، وفد میں وزیر خارجہ اور کابینہ کے دیگر ارکان شامل ہوں گے۔

وزیراعظم ریاض میں منعقدہ مڈل ایسٹ گرین انیشیٹیو سربراہ اجلاس میں شرکت کریں گے اور ماحولیاتی چیلنجز سے نمٹنے کے لیے پاکستان کا تجربہ شیئر کریں گے۔

’دورہ سعودی عرب سے وزیراعظم نےچاول کے تھیلوں کے علاوہ کیا کامیابی حاصل کی‘؟

اخراجات کا زکوۃٰ کی مد میں حاصل ہونے والے چاولوں کے تھیلوں کی قیمت سے موازنہ کیا جائے: بلاول

دفتر خارجہ کے مطابق سعودی قیادت کے ساتھ دو طرفہ امور، معاشی و تجارتی تعلقات کے فروغ ، پاکستانی افرادی قوت کے لیے مزید مواقع، تارکین وطن کی فلاح و بہبود کے علاوہ علاقائی اور بین الاقوامی معاملات پر بات چیت کی جائے گی۔

وزیر اعظم پاکستان میں سرمایہ کاری کے فروغ کے حوالے سے منعقدہ تقریب میں بھی شرکت کریں گے اور سعودی عرب میں پاکستانی سرمایہ کاروں اور تاجروں کے ساتھ بات چیت کریں گے۔