23 اکتوبر ، 2021 
پاک بھارت ٹاکرا: سرفراز کی ٹیم میں عدم شمولیت پر بابراعظم نے کیا کہا؟
23 اکتوبر ، 2021
قومی ٹیم کے کپتان بابراعظم کا کہنا ہےکہ بھارت کے خلاف میچ میں بہترین پلیئنگ الیون بنانے کی کوشش کی ہے۔
قومی ٹیم کے کپتان بابراعظم نے ورچوئل پریس کانفرنس کرتے ہوئے کہا کہ ہم نے ریلیکس رہنا ہے، دباؤ نہیں لینا، خود پر اعتماد ہے سو فیصد کھیل پیش کریں گے۔
انہوں نے کہا کہ پہلے دو میچز بہت اہم ہیں لیکن ہمیں اعتماد ہے کہ ہم اچھا کھیلیں گے، پاک بھارت ہمیشہ ایک بڑا میچ ہوتا ہے اعصاب پر قابو پانا ہوتا ہے۔
بابراعظم کا کہنا تھا کہ ہرٹیم کی اپنی قوت ہوتی ہے اور ہماری بولنگ ہمیشہ اچھی رہی ہے، ہمارے بولرزاچھے اور تجربہ کار ہیں۔
قومی ٹیم کے کپتان نے کہا کہ سرفراز احمد سینئرکھلاڑی ہیں اچھا کھیلتے ہیں جب کہ شعیب ملک بھی ٹیم میں ہیں وہ بھی اسپنرز کو اچھا کھیلتے ہیں، بہترین پلیئنگ الیون بنانے کی کوشش کی ہے لہٰذا ضرورت پڑنے پر سرفراز احمد کو بھی موقع ملے گا۔
انہوں نے مزید کہاکہ رمیز راجہ نے سو فیصد کھیلنے اورکھیل پر فوکس کرنےکا کہا ہے، چیئرمین پی سی بی نے کھلاڑیوں کا حوصلہ بڑھایا ہے۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
