30 اکتوبر ، 2021 
ویرات کوہلی نے محمد شامی پر تنقید کرنے والوں کو خاموش کرادیا
30 اکتوبر ، 2021
بھارتی کرکٹ ٹیم کے کپتان ویرات کوہلی نے انتہا پسندوں کو آئنہ دکھاتے ہوئے کہا ہے کہ کسی کو مذہب کی بنیاد پر ہدف بنانا گھٹیا ترین عمل ہے۔
ویرات کوہلی نے کہا کہ محمد شامی سمیت ہر پلیئر جو فیلڈ پر موجود ہے، اس کے ہونے کی کوئی وجہ ہے، سوشل میڈیا پر بیٹھے بزدل لوگ جس کو چاہتے ہیں ہدف بنا دیتے ہیں ، یہ عمل ایک معاشرتی بیماری بن چکا ہے۔
انہوں نے مزید کہا کہ میں فضول لوگوں پر ایک منٹ بھی ضائع نہیں کرنا چاہتا۔
یاد رہے کہ ٹی ٹوئنٹی ورلڈکپ میں پاکستان سے عبرتناک شکست کے بعد بھارتی انتہا پسندوں نے مسلمان کرکٹر محمد شامی کے خلاف سوشل میڈیا پر نفرت انگیز مہم شروع کردی تھی۔
ہندو انتہا پسندوں کی جانب سے بھارت کی شکست کا سارا ملبہ بولر محمد شامی پر ڈالا گیا اور پاک بھارت میچ کے اختتام پر محمد شامی کے سوشل میڈیا اکاؤنٹ پر گالیوں کا سلسلہ شروع ہوا۔
اس کے علاوہ محمد شامی کو انتہا پسندوں کی جانب سے برے القابات کہے گئے، کسی نے انہیں پاکستانی جاسوس کہا تو کسی نے پاکستان کے ساتھ مفت کھیلنے کا مشورہ دیا۔
خیال رہے کہ پاکستان نے آئی سی سی مینز ٹی ٹوئنٹی ورلڈ کپ کے سپر 12 مرحلے میں 24 اکتوبر کو بھارت کو یکطرفہ مقابلے کے بعد 10 وکٹوں سے شکست دی ۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
7 گھنٹے پہلے
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
