کالعدم ٹی ایل پی کو قومی دھارے میں خوش آمدید کہیں گے: علی محمد خان

حکومت اور کالعدم ٹی ایل پی کے معاہدے پر عملدرآمد کرانے والی کمیٹی کے کنوینر علی محمد خان کا کہنا ہے کہ ہم کالعدم ٹی ایل پی کو قومی دھارے میں خوش آمدید کہیں گے۔

جیونیوز کے پروگرام آج شاہزیب خانزادہ کے ساتھ میں گفتگو کرتے ہوئے علی محمد خان نے کہا کہ موجودہ معاہدہ ایک عارضی حل ہے، 7 سے 10 دن میں معاہدے پر عملدرآمد کی صورت میں سعد رضوی کی رہائی سمیت دیگر تفصیلات سامنے آجائیں گی۔

علی محمد خان کا کہنا تھا کہ وزیراعظم موجودہ معاہدے کی تمام تفصیلات سے باخبر رہے۔

انہوں نے مزید کہا کہ بھارت سے کالعدم جماعت کی فنڈنگ کے کوئی ثبوت نہیں دیکھے جب کہ فرانسیسی سفیر کی بے دخلی پر پارلیمنٹ جو فیصلہ کرے گی، کالعدم ٹی ایل پی اسے قبول کرے گی اور ہم کالعدم ٹی ایل پی کو قومی دھارے میں خوش آمدید کہیں گے۔

سعد رضوی کی رہائی کیخلاف حکومتی اپیل واپس لینے کا فیصلہ، سیکڑوں کارکنان رہا

محکمہ داخلہ پنجاب نے سعد رضوی پر درج 98 مقدمات کی فہرست بھی وفاقی وزارت داخلہ کو بھجوا دی

ٹی ایل پی اور سنی تحریک کا وزیراعظم سے فواد چوہدری کے بیان کا نوٹس لینے کا مطالبہ

وزیراعظم دیکھیں کہ فواد چوہدری کس کے ایجنڈے پر کام کر رہے ہیں: ترجمان کالعدم تحریک لبیک پاکستان