05 نومبر ، 2021 
ویسٹ انڈیز کے ڈیوائن براوو نے ٹی ٹوئنٹی انٹرنیشنلز سے ریٹائرمنٹ کا اعلان کردیا
05 نومبر ، 2021
ویسٹ انڈیز کرکٹ ٹیم کےآل راؤنڈر ڈیوائن براوو نے ٹی ٹوئنٹی انٹرنیشنلز سے ریٹائرمنٹ کا اعلان کردیا۔
ڈیوائن براوو کا کہنا ہے کہ ٹی ٹوئنٹی ورلڈ کپ میں ویسٹ انڈیز کے سفر کے ساتھ میرا کیریئر بھی ختم ہوگا۔
انہوں نے کہا کہ 'میرا خیال ہے اب الوداع کا وقت آگیا ہے، اٹھارہ سال میں کرکٹ کو بہت انجوائے کیا'۔
ڈیوائن براوو کا مزید کہنا تھا کہ ویسٹ انڈیز کیلئے آئی سی سی ٹرافیز جیتنا اعزاز کی بات ہے۔
خیال رہے کہ ڈیوائن براوو نے ویسٹ انڈیز کی نمائندگی کرتے ہوئے 90 ٹی ٹوئنٹی انٹر نیشنلز میچز کھیلے جبکہ وہ 2 بار ٹی ٹوئنٹی ورلڈکپ جیتنے والی ٹیم کا بھی حصہ تھے۔
واضح رہے کہ ٹی ٹوئنٹی ورلڈکپ میں ویسٹ انڈیز نے 4 میچز میں صرف ایک میچ میں کامیابی حاصل کی اور ایونٹ میں سیمی فائنل کی دوڑ سے باہر ہوگیا، البتہ ویسٹ انڈیز نے اپنا آخری گروپ میچ آسٹریلیا کے خلاف 6 نومبر کو کھیلنا ہے۔
مزید خبریں :
پی سی بی کا قومی سلیکشن کمیٹی میں ردو بدل کا فیصلہ
04 جون ، 2025
