12 نومبر ، 2021 
قومی کپتان بابر اعظم کے والد کی قوم سے درخواست
12 نومبر ، 2021
ٹی ٹوئنٹی ورلڈکپ کے سیمی فائنل میں شاہینوں کی شکست کے بعد پاکستان ٹیم کے کپتان بابر اعظم کے والد کا اہم بیان سامنے آگیا۔
انسٹاگرام پر بابراعظم کے والد اعظم صدیقی نے چھوٹے بیٹے سفیر اعظم کے ہمراہ اسٹیڈیم میں لی گئی تصویر شیئر کرتے ہوئے ایک پوسٹ کی۔
اعظم صدیقی نے لکھا کہ ٹی ٹوئنٹی ور لڈکپ میں پاکستانی ٹیم کا سفر ختم ہوا، کھلاڑیوں نے کوشش کی ، پر اللہ کو منظور نہیں تھا لیکن میں آپ کو یقین دلاتا ہوں کہ اصل سفر تو اب شروع ہوا ہے، ٹیم بن گئی ہے آگے کرکٹ بھی بڑی ہے اورایک سال بعد پھر آسٹریلیا ورلڈکپ ہے۔
اعظم صدیقی نے اپنی پوسٹ میں قوم سے درخواست کی کہ ٹیم نے جیت کے لیے جان لگادی، یہی وجہ تھی کہ ہم یک طرفہ میچ نہیں ہارے، ٹیم کو آپ لوگوں کی ہمت اور پیار کی ضروت ہے، بہادر قوم کی طرح بچوں کا دل بڑا کیجیے کیونکہ ایک اصول ہے بہادر ہار کر بھی بہادر رہتا ہے اور بزدل جیت کر بھی بزدل رہتا ہے، اپنے بچوں کو بزدل ہارےہوئے دل شکستہ میں شمار نہ کیجیےگا۔
انہوں نے امید ظاہر کرتے ہوئے لکھا کہ انشاء اللہ یہی ٹیم قوم کے لیے بڑے بڑے کپ جیتے گی۔
