16 نومبر ، 2021 
پاکستان
کوآپریٹو مارکیٹ آتشزدگی: تاجروں کا نقصان کے ازالے کیلئے 24 گھنٹے کا الٹی میٹم
16 نومبر ، 2021
کراچی: صدر کی کوآپریٹیو مارکیٹ کے تاجروں نے حکومت کو نقصان کے ازالے کے لیے 24 گھنٹے کا الٹی میٹم دے دیا۔
کراچی کے علاقے صدر کی کوآپریٹو مارکیٹ میں آتشزدگی پر قابو پانے کے بعد اب بھی کولنگ کا عمل جاری ہے جب کہ مارکیٹ کے داخلی و خارجی راستوں کو رکاوٹیں کھڑی کرکے مکمل بند کردیا گیا ہے۔
دوسری جانب مارکیٹ کے تاجروں نے حکومت کو 24 گھنٹے کاالٹی میٹم دیتے ہوئے کہا ہےکہ نقصان کاازالہ نہ کیاگیا تو صدرکی مارکیٹیں اورسڑکیں احتجاجاً بندکردیں گے۔
تاجروں کا کہنا تھا کہ 600 سے زائد دکانیں جل گئیں، آگ شارٹ سرکٹ سے نہیں لگی، اس کی تحقیقات کی جا ئے۔
