شاہد آفریدی سےکیا مسائل ہیں ؟ شعیب اختر نے بتادیا

قومی کرکٹ ٹیم کے سابق فاسٹ بولر شعیب اختر نے اعتراف کیا ہےکہ انہیں شاہد آفریدی سے  مسائل ہیں۔

شعیب اخترکی جانب سے ٹوئٹر پر ایک ویڈیو پوسٹ کی گئی ہے جس میں وہ دلچسپ انداز میں بتارہے ہیں کہ انہیں شاہد آفریدی کے ساتھ کون کون سے مسائل ہیں۔

مزاحیہ انداز میں شعیب اختر کا کہنا تھا کہ ایک مسئلہ تو یہ ہےکہ یہ مجھ سے بہت زیادہ اچھے نظر آتے ہیں۔

بعدازاں ہنستے ہوئے شعیب اختر نے بتایا کہ انہیں شاہد آفریدی سے جو مسئلہ ہے وہ یہ ہےکہ یہ مجھ سے بھی زیادہ دور تک شاٹ مارنے کی صلاحیت رکھتے ہیں۔

شعیب اختر نے ایک اور مسئلہ بتایا کہ شاہد آفریدی ان سے بھی زیادہ مشہور ہیں۔

راولپنڈی ایکسپریس نے مزید بتایا کہ انہیں شاہد آفریدی کے بالوں سے بھی مسئلہ ہے، کیونکہ ان کے بال مجھ سے زیادہ ہیں،اس بات پر شاہد آفریدی اور وہاں موجود دیگر افراد بھی ہنستے رہے۔

شعیب اخترکی پوسٹ کو شاہد آفریدی نے ری ٹوئٹ کرتے ہوئے لکھا کہ' بہت شکریہ شعیب، آپ کے منہ سے اتنا سارا سچ بہت اچھا لگا، اور آپ کو فٹ دیکھ کر بھی بہت اچھا لگا۔

شاہد آفریدی کی شعیب اختر اور تفضل رضوی کے درمیان معاملات حل کرانے کی پیشکش

شعیب اختر کہہ چکے ہیں کہ وہ وکلاء برادری اور قانون کا احترام کرتے ہیں، امید ہے تفضل رضوی کے ساتھ معاملات افہام و تفہیم سے حل ہوجائیں گے، آفریدی

شاہد آفریدی نے آصف علی کو خود سے بہتر پلیئر قرار دے دیا

پاکستان کو 12 گیندوں پر 24 رنز درکار تھے کہ آصف علی نے کریم جنت کو 4 چھکے لگا کر میچ ایک اوور پہلے ہی ختم کیا