افغان آل راؤنڈر راشدخان نے ڈی ویلیئرز کی ریٹائرمنٹ پر سکھ کا سانس لے لیا

جنوبی افریقا کے سابق کپتان اے بی ڈی ویلیئرز نے جمعے کے روز تمام طرز کی کرکٹ سے ریٹائرمنٹ کا اعلان کیا۔

اے بی ڈی ویلیئرز کی ریٹائرمنٹ کے بعدجہاں موجودہ اور سابق کرکٹرز ان کے لیے نیک تمناؤں کا اظہار کررہے ہیں وہیں افغان آل راؤنڈر راشدخان نے ڈیویلیئر کی ریٹائرمنٹ پر سکھ کا سانس لے لیا۔

جنوبی افریقا کے سابق کپتان ڈی ویلیئرز تمام طرز کی کرکٹ سے ریٹائر

اے بی ڈی ویلیئرز نے سوشل میڈیا کے ذریعے ریٹائرمنٹ کا اعلان کیا جس کے بعد ان کے 18 سال سے زائد عرصے پر محیط ناقابل یقین کیرئیر ختم ہو گیا۔

 راشدخان نے ٹوئٹ کرتے ہوئے کہا کہ 'یقینی طور پر میرے اور تمام بولرز کے لیے ایک قسم کی راحت ہے ، مجھ سمیت بہت سے نوجوانوں کو متاثر کرنے کے لیے آپ کا بہت بہت شکریہ'۔

انہوں نے   اے بی ڈی ویلیئرز کو مخاطب کرتے ہوئے کہا کہ ہم آپ کو ہمیشہ یاد کریں گے۔

واضح رہے کہ 2004 میں اپنے بین الاقوامی کیرئیر کا آغاز کرنے کے بعد اے بی ڈی ویلیئرز نے 114 ٹیسٹ، 228 ون ڈے اور 78 ٹی ٹوئنٹی میں جنوبی افریقا کی نمائندگی کی، تمام فارمیٹس میں انہوں نے 20014 رنز بنائے اور ٹیسٹ اور ون ڈے دونوں میں ان کی اوسط 50 سے زیادہ رہی۔