Can't connect right now! retry

انٹرٹینمنٹ
20 نومبر ، 2021

'انیل کپور کی بیوی کے کردار کی آفر ہوئی تھی'

اداکارہ نے کہا کہ مجھے پہلی بار 2003 میں بالی ووڈ فلم کی پیشکش ہوئی تھی—فوٹو فائل
اداکارہ نے کہا کہ مجھے پہلی بار 2003 میں بالی ووڈ فلم کی پیشکش ہوئی تھی—فوٹو فائل

معروف پاکستانی اداکارہ بشریٰ انصاری نے انکشاف کیا ہے کہ انہیں بالی وڈ سے 3 مشہور فلموں کی پیشکش ہوئی تھی۔

حال ہی میں بشریٰ انصاری سرکاری ٹی وی کے مارننگ شو کی مہمان بنیں جہاں ان سے میزبان نے غیر ملکی آفرز سے متعلق گفتگو کی۔

اداکارہ نے کہا کہ مجھے پہلی بار 2003 میں بالی ووڈ فلم کی پیشکش ہوئی تھی جس کا نام ’خاموش پانی‘ تھا، میں اپنے بچوں کے اسکول کی وجہ سے یہ فلم نہیں کر پائی تھی جسے بعدازاں اداکار انوپم کھیر کی اہلیہ کرن کھیر نے کیا۔

بشریٰ انصاری نے بتایا کہ انہیں فلم 'دل دھڑکنے دو' میں انیل کپور کی اہلیہ کے کردار کی آفر ہوئی تھی جسے بعدازاں اداکارہ شیفالی شاہ نے نبھایا تھا۔

ان کا کہنا تھا کہ اس فلم کے اسکرپٹ کے حوالے سے کچھ غلط فہمیاں ہوگئی تھیں جس کی وجہ سے یہ فلم نہیں کرسکی۔

اداکارہ نے مزید بتایا کہ دو سال قبل بھی ایک فلم کی آفر ہوئی تھی لیکن پھر پلوامہ حملے والا واقعہ ہوگیا۔

بشریٰ انصاری نے کہا کہ انہیں اداکار اکشے کمار کے ہمراہ فلم میں کام کرنے کی پیشکش کی گئی تھی اور  'فلم کیسری' میں اکشے کی ماں کا کردار نبھانا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM