Can't connect right now! retry

انٹرٹینمنٹ
22 نومبر ، 2021

اسٹیج اداکارہ دعا چوہدری کا خواتین کے ہمراہ تھانے پر دھاوا، 2 ساتھی چھڑا کرلےگئیں

لاہور میں اسٹیج اداکارہ دعا چوہدری نے ساتھی خواتین کے ہمراہ تھانہ گرین ٹاؤن پر دھاوا بول دیا اور اپنے 2 ساتھیوں کو پولیس سے چھڑواکر لےگئیں۔ 

پولیس کے مطابق گزشتہ رات گرین ٹاؤن میں اسٹیج اداکارہ دعا چوہدری کےگھر سالگرہ پارٹی میں شور شرابےکی اطلاع ملی تھی، شکایت پر پولیس پہنچی تو دعا چوہدری اور وہاں موجود لوگوں نے اہلکاروں سے تکرارکی۔

 پولیس دو افراد عدنان اور عبداللہ کو پکڑ کر تھانے لے گئی، کچھ دیر بعد دعا چوہدری چند خواتین کے ہمراہ تھانہ گرین ٹاؤن پہنچیں اور دونوں ساتھیوں کو زبردستی چھڑوا کرلےگئیں۔

 پولیس کے مطابق واقعےکے خلاف 7 خواتین سمیت 10 افراد پر مقدمہ درج کرلیا گیا ہے۔

 ایف آئی آر کے مطابق دعا چوہدری نے فضا،کائنات، سحر اور دو ساتھیوں کے ہمراہ تھانے پر دھاوا بولا  اور دو ساتھیوں کو پولیس سے چھڑوا کر لے گئیں۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM