پنجاب میں نچلی سطح پر بھی جماعتی بنیادوں پر بلدیاتی انتخابات کرانے کا فیصلہ

پنجاب کے نئے بلدیاتی نظام میں ایک بار پھر تبدیلی کردی گئی،  صوبے میں اب نچلی سطح  پر بھی جماعتی بنیادوں پر انتخابات کرانے کا فیصلہ کیا گیا ہے۔

 پنجاب حکومت نے مسودہ قانون میں تبدیلی کردی جس کی وزیر اعلیٰ پنجاب نے منظوری بھی دے دی ہے۔

پنجاب کے نئے بلدیاتی قانون پر تحریک انصاف اور ق لیگ میں معاملات طے پاگئے

دونوں جماعتوں نے اتفاق کیا ہے کہ پنجاب میں 9 ڈویژنل ہیڈکوارٹرز کے علاوہ گجرات اور سیالکوٹ میں بھی میٹروپولٹین کارپوریشنز ہوں گی، ذرائع

پنجاب کے بلدیاتی اداروں میں میئر اور چیئرمین ضلع کونسل اپنی کابینہ بھی تشکیل دے سکیں گے، کابینہ میں تاجر، بزرگ شہری اور مالیاتی ماہرین نامزد کیے جاسکیں گے۔

نوجوان، خواتین،  ورکرز  اور کسانوں کی نشستیں بھی رکھی گئی ہیں۔ میئر کی ڈسٹرکٹ کابینہ میں 2 خواتین کو لازمی شامل کیا جائے گا۔

پنجاب حکومت نے بلدیاتی اداروں میں خصوصی افراد کے لیے بھی نشستیں مختص کردی ہیں۔