کترینہ اور وکی کی شادی کی تصاویر کے رائٹس کتنے کروڑ میں فروخت ہوئے؟

بالی وڈ کی مقبول ترین جوڑی کترینہ کیف اور وکی کوشل کی شادی کی تصاویر سے متعلق اہم دعویٰ سامنے آگیا۔

شادی کی تصاویر جاری کیے جانے کے حوالے سے بھارتی میڈیا نے دعویٰ کیا تھا کہ اس حوالے سے ایک او ٹی ٹی پلیٹ فارم نے بالی وڈ شخصیات سے خصوصی طور پر  رابطہ کیا ہے۔

بھارتی میڈیا نے اب اس پلیٹ فارم کے نام کا انکشاف کیا ہے جس کے مطابق بین الاقوامی ای کامرس کمپنی ایمازون نے جوڑے سے خصوصی رابطہ کیا ہے۔

کترینہ کی شادی کے مقام کے اندرونی مناظر لیک ہوگئے

بھارتی میڈیا کے سوشل میڈیا اکاؤنٹ پر کترینہ کیف اور وکی کوشل کی شادی کے مقام سے مہمانوں کی سرگرمیوں کچھ خصوصی مناظر شیئر کیے گئے ہیں۔

بھارتی میڈیا کے مطابق کترینہ اور وکی نے شادی کی تصاویر جاری کرنے کے رائٹس ایمازون کو 80 کروڑ بھارتی روپے میں فروخت کیے ہیں۔

خیال رہے کہ اس سے قبل اداکارہ پریانکا چوپڑا اور ان کے شوہر امریکی گلوکار نک جونس نے اپنی شادی کی تصاویر جاری کرنے کے رائٹس 2019 میں او ٹی ٹی پلیٹ فارمز کو فروخت کیے تھے۔

کترینہ کی مہندی کی تقریب کی مبینہ تصاویر لیک ہوگئیں

دونوں اداکاروں کا استقبالیہ ممبئی کے تاج لینڈ میں 11 دسمبر کو منعقد کیا جائے گا

بتایا جارہا ہے کہ پلیٹ فارم کترینہ وکی کی شادی کی تصاویر خاص سیریز کے طور پر جاری کرے گا جس میں وکی کترینہ کی لو اسٹوری پر مشتمل تصاویر سمیت ان کی روکا تقریب سے ولیمہ کی تقریب تک کی تصاویر کو ان کے اہل خانہ اور دوستوں کی تصاویر سمیت جاری کیا جائے گا۔

بھارتی میڈیا کے مطابق اس حوالے سے ایمازون کے ایک عہدیدار سے بھی تصدیق کی جاچکی ہے ۔