کراچی سے اومی کرون کے مشتبہ کیس کی تاحال تصدیق نہیں ہوئی: قومی ادارہ صحت

کراچی میں مشتبہ اومی کرون کیس سے متعلق قومی ادارہ صحت کی وضاحت سامنے آگئی۔

قومی ادارہ صحت کا کہنا ہےکہ کراچی سے رپورٹ اومی کرون ویرینٹ کےمشتبہ کیس کی تاحال تصدیق نہیں ہوئی ہے اس سلسلے میں مکمل جینوم سیکوئنس ٹیسٹ ہوناباقی ہے جسے نمونہ حاصل کرنے کے بعد انجام دیا جائے گا۔

قومی ادارہ صحت نے عوام سے پرزور اپیل کی ہےکہ عالمی حالات کی روشنی میں عوام سے پرزور اپیل ہے کہ وہ جلد از جلد ویکسین لگوائیں۔

واضح رہےکہ پاکستان میں اومی کرون کا مشتبہ کیس کراچی سے رپورٹ ہوا جس میں ایک 65 سالہ خاتون میں اومی کرون کی علامات پائی گئی ہیں تاہم اس سلسلے میں ابھی وزیر صحت سندھ نے خاتون کے مکمل طور پر اومی کرون میں مبتلا ہونے کی تصدیق نہیں کی۔

پاکستان میں اومی کرون کا پہلا مشتبہ کیس رپورٹ

اومی کرون سے متاثرہ خاتون کورونا پازیٹو ہیں اور انہیں نجی اسپتال سے گھر منتقل کر دیا گیا ہے: حکام محکمہ صحت سندھ

’اومی کرون‘ سے متاثرہ خاتون کی کوئی ٹریول ہسٹری نہیں: محکمہ صحت سندھ

اومی کرون کے شبے میں خاتون سمیت 4 افرادکا ٹیسٹ کیا گیا تھا، ان چاروں میں سے صرف ایک شخص نے ویکسین لگوائی ہے: محکمہ صحت