یوٹیلٹی اسٹورز میں اربوں کی بے ضابطگیاں ہوئیں، آڈیٹر جنرل نے فرانزک آڈٹ مکمل کرلیا

یوٹیلٹی اسٹورز کار پوریشن میں اربوں روپے کی بے ضابطگیوں اور کرپشن کا انکشاف ہوا ہے۔

آڈیٹر جنرل(اے جی) پاکستان کا کہنا ہے کہ یوٹیلٹی اسٹورز آف پاکستان کا فرانزک آڈٹ مکمل ہو گیا ہے جس میں کرپشن کے انکشافات سامنے آئے ہیں۔

یوٹیلٹی اسٹورز پر مختلف اشیاء کی قیمتوں میں بڑا اضافہ

گزشتہ ہفتے بھی سبسڈی کے تحت ملنے والی تین اشیاء منہگی کی گئی تھیں

اے جی آفس ذرائع کا کہنا ہے کہ یوٹیلٹی اسٹورز کے فرانزک آڈٹ میں اربوں روپے کی بے ضابطگیو ں کی نشاندہی کی گئی ہے  جس میں کرپشن، لوٹ مار اور غیرمعیاری اشیاء کی خریدوفروخت کی گئی۔

اے جی آفس کے مطابق آڈٹ سے معلوم ہوا کہ یوٹیلٹی اسٹورز کار پوریشنز تباہی کے دہانے پر ہے۔ 

آڈیٹر جنرل آفس ذرائع کا کہنا ہے کہ رپورٹ کو دیکھ کرکانوں کو ہاتھ لگا کر کہا جا سکتا ہے کہ یوٹیلٹی اسٹورز کا کوئی حال نہیں ہے۔

اے جی آفس کے مطابق یوٹیلٹی اسٹورز کے فرانزک آڈٹ رپورٹ صدر پاکستان کو فراہم کی جائے گی۔