07 جنوری ، 2022 
کورونا: مسجد الحرام میں داخلے کیلئے راستے مختص
07 جنوری ، 2022
کورونا کے نئے ویرینٹ اومی کرون کے پھیلاؤ کے خدشے کے پیشِ نظر مسجد الحرام میں داخلے کے لیے راستے مختص کردیے گئے۔
عرب میڈیا کے مطابق عمرہ معتمرین کے لیے 34 راستے مختص کیے گئے ہیں اور ہر راستے پر سماجی دوری سے متعلق آگاہی کے ہدایت نامے آویزاں ہیں۔
دوسری جانب مسجد الحرام کی تمام عمارتوں کی صفائی اور جراثیم کش اسپرے کے سلسلے کو دگنا کردیا گیا ہے جس کے پیش نظر اب مقدس مقامات پر دن میں 10 بار جراثیم کش اسپرے کیا جاتا ہے۔
اس کے علاوہ حفاظتی اقدامات کو یقینی بنانے کے لیے قرآن پاک کے نسخوں کی بھی باقاعدگی سے صفائی کی جاتی ہے۔
مسجد الحرام کے ایک عہدیدار کا کہنا تھا کہ ہدایت ناموں کو عمرہ معتمرین کی حفاظت کے پیش نظر مختص راستوں پر آویزاں کیا گیا ہے جب کہ حاجیوں اور نمازیوں کو مخصوص اوقات تک مسجد میں رسائی کی اجازت دی جائے گی۔
مزید خبریں :
شمالی غزہ میں اسرائیلی فوج کےکیپٹن سمیت 2 اہلکار ہلاک
12 گھنٹے پہلے
جاپان کے علاقے کوشیما میں 6.2 شدت کا زلزلہ
17 نومبر ، 2024
