12 جنوری ، 2022 
اللہ نے دوسری زندگی دی ، جتنا شکر ادا کروں اتنا کم ہے، عابد علی
12 جنوری ، 2022
پاکستان کرکٹ ٹیم کے کھلاڑی عابد علی نے پی سی بی میڈیکل پینل کی نگرانی میں مکمل ری ہیب کا آغاز کر دیا ہے ۔
پاکستان کرکٹ بورڈ نے عابد علی کی کرکٹ میں بتدریج واپسی پر ایک ویڈیو جاری کی ہے جس میں دائیں ہاتھ کے بیٹرکا کہنا ہے کہ بیٹنگ کے دوران سینے میں درد ہوا، اسپتال پہنچنے پر معلوم ہوا کہ دل کی دو شریانیں بند ہیں اور دل 30 فیصد کام کر رہا ہے ۔
عابد علی نے کہا کہ اللہ نے اُنہیں دوسری زندگی دی ہے، جتنا شکر ادا کروں اتنا کم ہے، جبکہ اب وہ باقاعدگی سے چیک اپ کراتے رہیں گے ۔
دوسری جانب چیئرمین پی سی بی رمیز راجہ نے کہا کہ وہ جزوی صحتیابی پر عابد علی کو مبارک دیتے ہیں، ان کے چہرے پر مسکراہٹ دیکھ کر خوشی ہو ئی ہے ۔
اس کے علاوہ ساتھی کرکٹرز حسن علی اور عمران بٹ نے عابد علی کے دل کے عارضے میں مبتلاہونے کو ناقابل یقین قرار دیا ۔
واضح رہے کہ گزشتہ ماہ عابد علی قائد اعظم ٹرافی کے میچ کے دوران دل کی تکلیف میں مبتلا ہوئے تھے۔
عابد علی کو اسپتال منتقل کیا گیا تھا جہاں ان کے دل کی شریانوں میں رکاوٹ سامنے آئی اور پھر عابد علی کے دل کی شریانوں میں دو اسٹنٹ ڈالے گئے۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
