16 جنوری ، 2022 
کیا جوکووچ آسٹریلوی عدالت کا فیصلہ چیلنج کریں گے؟ ٹینس اسٹار کا بیان سامنے آ گیا
16 جنوری ، 2022
آسٹریلیا کی فیڈرل کورٹ کی جانب سے ویزا منسوخی کا فیصلہ برقرار رکھنے کے فیصلے کے بعد سربیا سے تعلق رکھنے والے ٹینس کے عالمی نمبر ون کھلاڑی نوواک جوکووچ کا بیان بھی سامنے آ گیا ہے۔
عدالتی فیصلے پر ردعمل دیتے ہوئے نوواک جوکووچ کا کہنا تھا کہ ججز کی جانب سے ویزا منسوخی کا فیصلہ برقرار رکھنے پر انتہائی مایوس ہوں، لیکن عدالت کے فیصلے کا احترام کرتا ہوں اور فیصلے کے خلاف اپیل نہیں کروں گا۔
ٹینس اسٹار کا کہنا تھا کہ اب آسٹریلیا میں نہیں رہ سکتا اور آسٹریلین اوپن میں حصہ نہیں لے سکتا، پہلے آرام کرنے اور صحت یاب ہونے میں کچھ وقت لگاؤں گا۔
ان کا کہنا تھا کہ آسٹریلیا سے اپنی روانگی کے سلسلے میں متعلقہ حکام کے ساتھ تعاون کروں گا۔
سربین ٹینس اسٹار کا کہنا تھا پچھلے ہفتوں توجہ مجھ پر رہی، امید ہے اب ہم سب ٹورنامنٹ پر توجہ مرکوز کر سکتے ہیں، کھلاڑیوں، ٹورنامنٹ کے عہدیداران، عملے، رضاکاروں اور شائقین کے لیے نیک خواہشات کا اظہار کرتا ہوں۔
نوواک جوکووچ کا کہنا تھا کہ اپنے خاندان، دوستوں، ٹیم، حامیوں، مداحوں اور اپنے ساتھی سربیائی باشندوں کا شکریہ ادا کرتا ہوں۔
مزید خبریں :
آئی سی سی نے چیمپئنز ٹرافی کے شیڈول کا اعلان کر دیا
24 دسمبر ، 2024
