کراچی میں جھکڑوں نے ایک اور جان لے لی، ہلاکتیں 6 ہوگئیں
22 جنوری ، 2022
کراچی میں تیز ہواؤں کے جھکڑ کے باعث ایک اور شخص جان کی بازی ہار گیا اور گزشتہ روز سے مختلف حادثات میں جاں بحق افراد کی تعداد 6 ہو گئی ہے۔
ایس ایس پی ایسٹ نے بتایا کہ کراچی کے علاقے دھوراجی کالونی میں فٹ پاتھ پر سویا شخص تیز ہوا سے بلاک چہرے پر لگنے سے جاں بحق ہو گیا۔
ایس ایس پی ایسٹ کا کہنا ہے کہ جاں بحق شخص نشے کا عادی تھا اور اس کی لاش کو جناح اسپتال منتقل کر دیا گیا ہے۔
خیال رہے کہ گزشتہ روز بھی شہر میں تیز ہواؤں کے جھکڑ کے باعث مختلف حادثات میں 5 افراد جاں بحق اور متعدد زخمی ہو گئے تھے۔
