دوسروں کی جگہ لمبی قطاروں میں کھڑے ہوکر ہزاروں روپے کمانے والا شخص

شاپنگ کےدوران یا سنیما کی ٹکٹ خریدتے  وقت  ایک چیز جس سے ہمیں  شدید نفرت ہے ، وہ ہے لمبی قطار میں کھڑا ہونا،کیونکہ یہ ایک مشکل اور صبر والا کام  ہے۔

تاہم برطانیہ سے تعلق رکھنے والا ایک ایسا شخص بھی ہے جس نے دوسروں کیلئے لمبی قطاروں میں کھڑے ہونے کو اپنا پیشہ بنالیا ہے۔

جی ہاں، برطانیہ سے تعلق رکھنے والے 31 سالہ فریڈی بیکٹ اپنے فارغ وقت میں 'ماہر ویٹر' کے طور پر کام کرتے ہیں اور امیر لوگوں کی جگہ لمبی قطاروں میں کھڑے ہوکر ان کا کام آسان کرتے ہیں۔

غیر ملکی میڈیا رپورٹس کے مطابق فریڈی عام طور پر دوسرے لوگوں کے لیے قطار میں کھڑے ہونے کا فی گھنٹہ 20 پاؤنڈز یعنی 4 ہزار پاکستانی روپے سے زائد  معاوضہ وصول کرتے ہیں۔

نوجوان اپنی سیلفیاں آن لائن بیچ کر راتوں رات کروڑ پتی بن گیا

22 سالہ نوجوان نے اصل میں ہر ایک سیلفی کی قیمت صرف 0.00001 ایتھیریم( کرپٹو کرنسی) رکھی تھی لیکن جلد ہی اس کرنسی کی قیمت آسمان کو چھونے لگی جس کے بعد سلطان کی ایک تصویر 10 ہزار ڈالرز سے زائد میں فروخت ہو رہی ہیں

رپورٹس کے مطابق فریڈی ایک تاریخی افسانہ نگار ہیں البتہ وہ گزشتہ 3 سال سے اپنے فارغ وقت میں لوگوں کیلئے لمبی قطاروں میں کھڑے ہوکر پیسہ کمارہے ہیں۔

فریڈی کا کہنا ہے کہ ان کے زیادہ تر کلائنٹ امیر لوگ ہیں جن کے پاس  خود قطاروں میں کھڑے ہونے کا وقت نہیں یا انہیں پھر اتنا انتظار کرنا اچھا نہیں لگتا تاہم کچھ پیسوں کےعوض وہ قطار میں کھڑے ہوکر ان کا کام آسان کرتے ہیں۔