شیخ رشید نے ایم کیو ایم کی ریلی پر پولیس کے لاٹھی چارج کا نوٹس لے لیا

وفاقی وزیر داخلہ شیخ رشید نے کراچی میں متحدہ قومی موومنٹ(ایم کیو ایم) پاکستان کے کارکنوں پر پولیس کے لاٹھی چارج کا نوٹس لے لیا۔

کراچی میں ایم کیو ایم پاکستان کے وزیر اعلیٰ ہاؤس کے باہر دھرنے پر پولیس نے لاٹھی چارج اور شیلنگ کردی جس کے باعث رکن سندھ اسمبلی سمیت کئی کارکنان زخمی ہوگئے۔

ایم کیو ایم کے دھرنے پر پولیس کی شیلنگ اور لاٹھی چارج، متعدد افراد گرفتار

لاٹھی چارج سے رکن سندھ اسمبلی صداقت حسین کا سر پھٹ گیا، گرفتار افرادکو مختلف تھانوں میں منتقل کردیا گیا

پولیس نے کئی کارکنوں کو گرفتار کیا جنہیں بعدازاں رہا کردیا گیا۔

اب وزیر داخلہ شیخ رشید نے کراچی میں ایم کیو ایم پاکستان کے کارکنوں پر پولیس کے لاٹھی چارج کا نوٹس لتے ہوئے چیف سیکرٹری سندھ اور آئی جی سندھ سے رپورٹ طلب کرلی ہے۔