27 جنوری ، 2022 
پی ایس ایل 7 کا پہلا ٹاکرا، کراچی کنگز کے اہم کھلاڑی کی شرکت مشکوک
27 جنوری ، 2022
پاکستان سپر لیگ (پی ایس ایل) کے ساتویں سیزن کے افتتاحی میچ میں ہوم ٹیم کراچی کنگز کے اہم کھلاڑی اور فاسٹ بولر محمد عامر کی شرکت مشکوک ہوگئی ہے۔
ایچ بی ایل پی ایس ایل کی رنگا رنگ افتتاحی تقریب آج کراچی کے نیشنل اسٹیڈیم میں منعقد ہوگی جبکہ پہلے میچ میں کراچی کنگز کا مقابلہ ملتان سلطانز سے ہے جو شام 7 بجے شروع ہو گا۔
تاہم اب اطلاعات ہیں کہ فاسٹ بولر محمد عامر کی ابتدائی میچ میں شرکت انجری کی وجہ سے مشکوک ہوگئی ہے۔
ذرائع کا بتانا ہے کہ محمد عامر نے پریکٹس میچ میں بھی حصہ نہیں لیا تھا۔
دوسری جانب نیشنل اینڈ کمانڈ کنٹرول سینٹر (این سی او سی) کی ہدایات کے مطابق کراچی میں 25 فیصد تماشائیوں کو اسٹیڈیم میں داخلے کی اجازت ہے جبکہ لاہور میں دوسرے مرحلے کے لیے تعداد کا فیصلہ تاحال نہیں کیا جاسکا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
