31 جنوری ، 2022 
پاکستان
پشاور میں شہریوں کا شکوہ ہے کہ میڈیکل اسٹورز پردوائیں مہنگی مل رہی ہیں__فوٹو فائل
لاہور کے بعد پشاور میں بھی بخار کی دوا نایاب، قیمتوں میں 30 فیصد تک اضافہ
31 جنوری ، 2022
جنرل سیکرٹری پاکستان ڈرگ ایسوسی ایشن قیصر زمان کا کہنا ہے کہ پشاور میں بھی بخار سے بچاؤ کی ادویات مارکیٹ میں کم پڑ گئی ہیں۔
جیو نیوز سے گفتگو کرتے ہوئے قیصر زمان نے کہا کہ بخار کی دوا جہاں مل رہی ہے وہاں قیمتوں میں 20سے 30 فیصد تک اضافہ ہوا ہے۔
انہوں نے کہا کہ بخار میں استعمال ہونے والی 10 گولیوں کی قیمت 17 سے30 روپےہوگئی ہے جب کہ جسم کا درد دورکرنے کی گولی کی قیمت 17 سے بڑھ کر 40 روپےہو گئی ہے۔
دوسری جانب پشاور میں شہریوں کا شکوہ ہے کہ میڈیکل اسٹورز پردوائیں مہنگی مل رہی ہیں جبکہ بعض ادویات تو میڈیکل اسٹورز پر دستیاب ہی نہیں ہیں۔
