08 فروری ، 2022 
محنت سے کام کرنے پر کمپنی کا ملازمین کو چھٹیاں منانے اسپین لے جانے کا اعلان
08 فروری ، 2022
برطانیہ میں قائم ایک کمپنی نے کورونا وبا کے دوران بھی محنت اور دل سے کام کرنے والے ملازمین کا شکریہ ادا کرنے کیلئے ایک بہترین طریقہ اختیار کیا ہے۔
رپورٹس کے مطابق برطانیہ کے شہرکارڈف میں ایک ریکروٹمنٹ کمپنی اپنے عملے کے 55 سے زائد ارکان کو چھٹیاں منانے کیلئے اسپین کے کینری جزائر کی سیر کیلئے لے جارہی ہے ۔
برطانوی نشریاتی ادارے بی بی سی کے مطابق کمپنی 4 دن کے اس ٹِرپ پر تقریباً ایک لاکھ پاؤنڈ ( یعنی 2 کروڑ پاکستانی روپے سے زائد) خرچ کرے گی۔
اطلاعات کے مطابق کمپنی کا کہنا ہے کہ ملازمین کو یہ تحفہ 2021 میں کورونا وبا کے باوجود بہترین نتائج دینے پر دیا جارہا ہے۔
کمپنی کے چیف کمرشل آفیسر کا کہنا ہے کہ 2020 ہماری پوری مارکیٹ کے لیے واقعی ایک مشکل وقت تھا لیکن ہمارے عملے نے ہمارا ساتھ دیا اور گھر سے بھی کام کیا، اس لیے 2 سال کے درمیان ان کے بہترین کام کی وجہ سے ان کا شکریہ ادا کررہے ہیں۔
رپورٹس کے مطابق کمپنی کا عملہ یکم اپریل کو اسپین کیلئے روانہ ہوگا۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
