09 فروری ، 2022 
سر میں کیل ٹھوکنے کا معاملہ، خاتون کے اسپتال آنے کی ویڈیو سامنے آگئی
09 فروری ، 2022
پشاور میں بیٹے کی پیدائش کے لیے جعلی عامل کے کہنے پرخاتون کے سر میں کیل ٹھوکنے کے واقعے کی تحقیقات جاری ہیں۔
مرد اور خاتون کے لیڈی ریڈنگ اسپتال پہنچنے کی سی سی ٹی وی ویڈیو سامنے آئی ہے جس میں مریضہ کے ساتھ دو مرد اور دو خواتین کو آتے دیکھا جاسکتا ہے۔
خاتون 2 گھنٹے سے زائد اسپتال میں زیر علاج رہی لیکن پولیس اب تک میاں بیوی کو تلاش نہیں کرسکی ہے۔
واضح رہےکہ پشاور میں اولاد نرینہ کی خواہش میں عامل کے کہنے پر خاتون کے سر میں کیل ٹھوک دی تھی۔
پشاور کے لیڈی ریڈنگ اسپتال میں زخمی خاتون کی سرجری کرکے کیل کو نکال دیا گیا ہے۔
نیورو سرجن ڈاکٹر حیدر کا کہنا ہے کہ خاتون حاملہ ہے، سر پر گہری چوٹ تھی، خاتون نے بتایا بیٹےکی خواہش ہے، پیرصاحب نے سرپرکیل ٹھوکنےکا کہا تھا۔
