اطہر متین قتل: جیونیوز نے واقعے کی سی سی ٹی وی حاصل کرلی
18 فروری ، 2022
جیونیوز نے سماء ٹی وی کے صحافی اطہر متین کے قتل کے واقعے کی سی سی ٹی وی حاصل کرلی۔
اطہر متین پر فائرنگ کا واقعہ صبح 8 بجکر 29 منٹ پر پیش آیا اور واقعے کی ویڈیو میں ملزمان کو فرار ہوتے دیکھا جاسکتا ہے۔
ویڈیو میں دیکھا جاسکتا ہےکہ ایک ملزم نے ہیلمٹ اور دوسرے نے کیپ لگائی ہوئی ہے جب کہ ایک ملزم موٹرسائیکل کو پیدل لیکر بھاگ رہا ہے۔
واضح رہےکہ کراچی کے علاقے نارتھ ناظم آباد میں فائرنگ سے سماء ٹی وی کے سینئر پروڈیوسر اطہر متین جاں بحق ہوگئے۔
