02 مارچ ، 2022 
امریکی صدر کی زبان پھسل گئی، خطاب کے دوران یوکرینی عوام کو ایرانی کہہ دیا
02 مارچ ، 2022
امریکی صدر جوبائیڈن کی پہلے اسٹیٹ آف دی یونین خطاب کے دوران زبان پھسل گئی، یوکرینی عوام کو ایرانی کہہ دیا۔
جوبائیڈن نےروسی صدر کو مخاطب کرتے ہوئے کہا کہ' پیوٹن ٹینکوں پر یوکرین کے دارالحکومت کیف کا چکر تو لگا سکتے ہیں لیکن وہ ایرانی عوام کے دل نہیں جیت سکتے'۔
دراصل امریکی صدر یوکرینی عوام کے دل جیتنے کے حوالے سے بات کرنا چارہے تھے لیکن بدقسمتی ان سے غلطی ہوئی اور انہوں نے خطاب کے دوران یوکرینی عوام کو ایرانی کہہ دیا۔
امریکی صدر کی اس غلطی پر پیچھے بیٹھیں نائب صدر کملا ہیرس بھی حیران ہوگئیں۔
واضح رہے کہ جوبائیڈن کا اسٹیٹ آف دی یونین خطاب میں کہنا تھا کہ امریکا یوکرینی عوام کے ساتھ کھڑا ہے، پیوٹن کا یوکرین پر حملہ کرنے کا منصوبہ سوچا سمجھا اور بلااشتعال تھا، انہوں نے سفارتی کوشش کو مسترد کیا۔
اس کے علاوہ روسی صدر پیوٹن کو آمر قرار دیتے ہوئے صدر بائیڈن کا کہنا تھا کہ ہم نے اپنی تاریخ سے یہی سیکھا ہے کہ آمر جب سبق نہیں سیکھتے تو وہ مزید افراتفری پھیلاتے ہیں، جب آمر اپنی جارحیت کی قیمت نہیں اٹھاتے تو وہ مزید افراتفری پھیلاتے ہیں۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
