12 مارچ ، 2022 
'لبوشین،کبھی تم نے لبِ شیریں سنا ہے' ، کراچی ٹیسٹ کے چند دلچسپ بینرز
12 مارچ ، 2022
کراچی کے نیشنل اسٹیڈیم میں آسٹریلیا اور پاکستان کے دوسرے ٹیسٹ میچ میں دلچسپ پوسٹرز دیکھنے کو ملے۔
شائقین کرکٹ بڑی تعداد میں بینرز اور پلے کارڈز لے کر اسٹیڈیم پہنچے جس میں کسی نے آسٹریلوی کھلاڑیوں کو دعوت پر مدعو کیا تو کسی نے کینگروز کو پاکستانی فاسٹ بولر شاہین آفریدی کا خوف دلایا۔
اسٹیڈیم میں موجود بینرز کو دیکھا جائے تو یہ انتخاب مشکل ہوجائے گا کہ کون سا زیادہ تخلیقی اور شاندار تھا۔
کچھ مداحوں نے تو آسٹریلوی کھلاڑی ایلکس کیری کے سوئمنگ پول میں گرنے کے واقعے کو بھی اپنے پلے کارڈ پر لکھا اور انہیں ٹرول کیا۔
خاتون مداح نے اسٹیو اسمتھ کے لیے پیغام لکھا اور کہا کہ 'اسٹیو، برائے مہربانی ہمارے گھر رات کے کھانے پر آجائیں، میری امی شاندار بریانی بناتی ہیں'۔
ایک اور نوجوان نے اپنے بینر میں اسمتھ، مارنس اور کپتان پیٹ کمنز کے لیے پیغام تحریر کیا اور کہا کہ 'ہم چاہتے ہیں کہ آپ کو پاکستان سپر لیگ کے آٹھویں سیزن میں کراچی کنگز کی جانب سے کھیلتا دیکھیں۔
ایک تماشائی نے بھارتی کرکٹر ویرات کوہلی کے لیے پیغام لکھا جس میں تھا کہ 'ویرات، چاہے آپ سنچری اسکور کریں یا نہیں، آپ میرے پسندیدہ کھلاڑی رہیں گے'۔
ایک اور تماشائی نے مارنس لبوشین کو مخاطب کرتے ہوئے لکھا کہ 'لبوشین کبھی تم نے لبِ شیریں سنا ہے؟'
کچھ دیگر دلچسپ بینرز ملاحظہ کیجیے:
کراچی کے شائقین کرکٹ اس میچ میں حال ہی میں انتقال کرجانے والے آسٹریلیا کے لیجنڈری اسپنر شین وارن کو بھی نہ بھولے، اور ان کے لیے پیغامات شیئر کیے۔
مزید خبریں :
کراچی پریمیئر لیگ ملیر ڈولفنز نے جیت لی
9 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
