ہمت ہے تو گورنر راج لگاکر دکھاؤ: بلاول کا وزیراعظم کو چیلنج

پاکستان پیپلز پارٹی  کے چیئرمین بلاول بھٹو زردار ی نے سندھ میں گورنر راج لگائے جانے کی تجویز پر نظم شیئر کرتے ہوئے رد عمل کا اظہار کیا ہے۔

بلاول نے ٹوئٹر پر ایک نظم کی ویڈیو شیئر کی ہے جس پر انہوں نے ’چلو گورنر راج لگاتے ہیں‘ کا عنوان درج کیا۔

چیئرمین پی پی بلاول بھٹو کی جانب سے شیئر کی گئی مکمل نظم۔

چلو گورنر راج لگاتے ہیں

کل نہیں آج لگاتے ہیں

جو سارے پاکستان میں ہے جاری

سندھ میں بھی وہ ناچ لگاتے ہیں

چلو گورنر راج لگاتے ہیں

ہر وعدے سے مکرنا ، ہر جھوٹ پر اکڑنا

قلندر کی گلیوں میں ایسا رواج لگاتے ہیں

چلو گورنر راج لگاتے ہیں

کب سے کھڑا ہوں لے کر خواہش یہ دل میں

کپتان کے نعرے سر سکھر بیراج لگاتے ہوں

چلو گورنر راج لگاتے ہیں

کیسی جمہوریت کہاں کا ووٹ بینک

انگلی سے انگوٹھے کا علاج کرواتے ہیں

چلو گورنر راج لگاتے ہیں

نااہل، ناکام، بدکردار سندھ حکومت

چند بکے ہوؤں سے احتجاج کرواتے ہیں

چلو گورنر راج لگاتے ہیں

جاؤ کچھ اینکروں کو پیغام دو جاکر

حکومت ہے مکمل اپاہج یہ دکھاتے ہیں

چلو گورنر راج لگاتے ہیں

جو نہ بم سے ڈرا نہ پھانسی سے جھکا

ایسے جیالوں کا مزاج آزماتے ہیں

چلو گورنر راج لگاتے ہیں

وزارتوں کی تختی پر اب ہوگا نام ہمارا

قیمت چاہے جو بھی ہو اندراج کراتے ہیں

چلو گورنر راج لگاتے ہیں

چلو گورنر راج لگاتے ہیں

چلو گورنر راج لگاتے ہیں

دوسری جانب بلاول نے اپنی ہی ٹوئٹ کو ری ٹوئٹ کرتے ہوئے ایک اور ٹوئٹ کی جس میں بلاول نے تنبیہ کی  کہ’ ہمت ہے تو گورنر راج لگاکر دکھاؤ  ، کل نہیں آج لگا کر دکھاؤ، انشاءاللہ ہم سب  یہاں اسلام آباد آکر آپ کو جواب دیں گے‘

واضح رہےکہ سندھ ہاؤس میں پی  ٹی آئی کے منحرف ارکان کی موجودگی کے بعد وزیر داخلہ شیخ رشید نے سندھ میں گورنر ہاؤس لگانے کی تجویز دی تھی۔

سندھ میں گورنر راج کے حوالے سے وفاقی وزارت داخلہ میں سمری کی تیاری شروع

ذرائع کے مطابق وزارت داخلہ سندھ میں گورنر راج کی سمری وزیر اعظم کو بھجوا سکتی ہے

وزیراعظم کو تجویز دی ہے کہ سندھ میں گورنر راج نافذ کردیں، شیخ رشید

وفاقی وزیر داخلہ شیخ رشید نے میڈیا سے گفتگو میں کہا ہے کہ انہوں نے وزیراعظم عمران خان کو تجویز دی ہے کہ وہ سندھ میں گورنر راج لگا دیں۔