آرٹیکل 63 اے کی تشریح کیلئے ریفرنس کا مسودہ، اہم نکات سامنے آ گئے
21 مارچ ، 2022
حکومت کی جانب سے آرٹیکل 63 اے کی تشریح کے لیے ریفرنس آج سپریم کورٹ میں دائر کیا جائے گا جس کے اہم نکات سامنے آ گئے ہیں۔
صدارتی ریفرنس میں آرٹیکل 63 کی تشریح کے لیے سپریم کورٹ سے 4 سوالوں کا جواب مانگا گیا ہے۔
ریفرنس میں سپریم کورٹ سے پوچھا گیا ہے کہ آرٹیکل 63 اے کی کونسی تشریح قابلِ قبول ہے۔
- کیا پارٹی پالیسی کے خلاف ووٹ دینے سے نہیں روکا جا سکتا؟ پارٹی پالیسی کے خلاف ووٹ شمار نہیں ہو گا، کیا ایسا ووٹ ڈالنے والا تاحیات ناناہل ہوگا؟
- کیا منحرف ارکان کا ووٹ گنتی میں شمار ہو گا؟
- پارٹی پالیسی کے خلاف ووٹ دینے والا رکن صادق اور امین نہیں رہے گا تو کیا ایسا ممبر تاحیات نااہل ہو گا؟
- فلور کراسنگ یا ہارس ٹریڈنگ کو روکنے کے مزید کیا اقدامات ہو سکتے ہیں؟
مسودے میں کہا گیا ہے کہ آرٹیکل 63 اے میں نااہلی کی مدت کا تعین نہیں کیا گیا۔
گزشتہ روز وفاقی وزیر برائے منصوبہ بندی اسد عمر نے اعلان کیا تھا کہ آرٹیکل 63 اے کی تشریح کے لیے صدارتی ریفرنس آج سپریم کورٹ میں دائر کیا جائے گا۔
