28 مارچ ، 2022 
ایلون مسک کا اظہارِ رائے کی آزادی کیلئے نیا سوشل میڈیا پلیٹ فارم بنانے پر غور
28 مارچ ، 2022
دنیا کے امیر ترین شخص اور امریکی کمپنی ٹیسلا کے سربراہ ایلون مسک نےاظہارِ رائے کی آزادی کیلئے نیا سوشل میڈیا پلیٹ فارم بنانے پر سنجیدگی سے غور شروع کردیا ہے۔
رپورٹس کے مطابق گزشتہ دنوں ٹوئٹر پر ایک صارف نے ایلون مسک سے سوال کیا کہ کیا آپ ایک نیا سوشل میڈیا پلیٹ فارم بنانے پر غور کریں گے؟ جو ایک اوپن سورس الگورتھم پر مشتمل ہو جہاں اظہارِ رائے کی آزادی کو ترجیح دی جائے اور پروپیگنڈا کم ہو ، میرے خیال میں اس قسم کے پلیٹ فارم کی ضرورت ہے۔
صارف کو جواب دیتے ہوئے ایلون مسک کا کہنا تھا کہ 'میں اس بارے میں سنجیدگی سے غور کررہا ہوں'۔
رپورٹس کے مطابق اس سے قبل ایلون مسک نے سوشل میڈیا پر ایک پول کروایا تھا جس میں انہوں نے سوال کیا کہ 'ایک فعال جمہوریت کے لیے آزادی اظہار ضروری ہے،کیا آپ کو لگتا ہے کہ ٹوئٹر اس اصول پر سختی سے عمل پیرا ہے؟'
ایلون مسک کی جانب سے کروائے گئے پول میں 70 فیصد سے زائد صارفین نے ' No' کا جواب دیا جبکہ 29 فیصد افراد نے ٹوئٹر کے حق میں ووٹ دیا۔
واضح رہے کہ ایلون مسک ٹوئٹر کی پالیسیوں پر اکثر اسے تنقید کا نشانہ بناتے رہتے ہیں تاہم انہوں نے نئے سوشل میڈیا پلیٹ فارم بنانے کے حوالے سے مزید کچھ تفصیلات نہیں بتائیں۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
