عدم اعتماد میں امریکاکے ملوث ہونےکے الزامات میں صداقت نہیں: امریکی محکمہ خارجہ

امریکی محکمہ خارجہ نے پاکستان مں عدم اعتماد کی تحریک میں کردار سے لاتعلقی کا اظہار کر دیا ہے۔

 امریکی محکمہ خارجہ کا کہنا ہے کہ عدم اعتماد میں امریکاکے ملوث ہونےکے الزامات میں صداقت نہیں۔

جیو کی طرف سے بھیجے گئے سوال کے جواب میں امریکی محکمہ خارجہ کا کہنا تھا کہ عدم اعتماد کے بارے میں دھمکی آمیزخط میں صداقت نہیں۔

امریکی محکمہ خارجہ نے کہا کہ پاکستان میں جاری صورتحال کو مانیٹرکررہے ہیں، پاکستان کے آئینی عمل کی تکریم کرتے ہیں، پاکستان میں قانون کی حکمرانی کو سپورٹ کرتے ہیں۔

واضح رہے کہ 27 مارچ کو اسلام آباد میں جلسہ عام سے خطاب میں وزیراعظم عمران خان نے خط لہرایا تھا اور کہا تھاکہ ملک میں باہر سے پیسے کی مدد سے حکومت تبدیل کرنے کی کوشش کی جارہی ہے، ہمیں لکھ کر دھمکی دی گئی، میرے پاس خط ہے اور وہ ثبوت ہے۔

وزیراعظم کے دعوے کے بعد اپوزیشن کی جانب سے خط سامنے لانے اور ایوان میں پیش کرنے کا مطالبہ زور پکڑ رہا ہے۔

ممکن ہے سفیر نے اپنے خیالات ظاہرکیے، ورنہ بائیڈن خود خط لکھ دیتے، عبدالباسط

معلومات کے مطابق کوئی خط نہیں، اس حوالے سے ہمارے سفیرکی کمیونیکیشن ضرور ہے، سابق سفارت کار عبد الباسط

خط میں عدم اعتماد سے متعلق کیا بات تھی جسے وزیراعظم نے دھکمی آمیز قرار دیا؟

خط میں عمران خان کو ہٹا دیا گیا سب کچھ معاف ہوجائے گا، سینیٹر فیصل جاوید خان