31 مارچ ، 2022 
'سیاست میں صرف ایک شخص ہے جو پاکستان کا بھلا چاہتا ہے'
31 مارچ ، 2022
پاکستان شوبز انڈسٹری کے فنکاروں کی جانب سے وزیر اعظم عمران خان کے حق میں بیانات دینے کا سلسلہ جاری ہے۔
اداکارہ سائرہ یوسف نے انسٹاگرام اسٹوری پر عمران خان کی تصویر شیئر کی اور لکھا کہ 'آپ کو ووٹ کے ذریعے آپ کے لوگوں کے چُنا تھا اور میں ہمیشہ آپ کا ہی انتخاب کروں گی'۔
اداکارہ مایا علی نے انسٹاگرام پر وزیر اعظم کے لیے خصوصی پوسٹ شیئر کی اور کیپشن میں لکھا کہ 'سیاست میں صرف ایک شخص ایسا ہے جو پاکستان کے لیے حقیقی معنوں میں کچھ اچھا کرنا چاہتا ہے'۔
مایا نے مزید کہا کہ 'چیزوں کو نئے سِرے سے بنانے میں وقت درکار ہوتا ہے، پاکستان کو عمران خان کی ضرورت ہے، ہمارے ووٹ اہمیت رکھتے ہیں اور میں وزیر اعظم کے ساتھ کھڑی ہوں'۔
اس کے علاوہ فلم اسٹار شان شاہد نے بھی عمران خان کے لیے گزشتہ شب پیغام جاری کیا اور کہا کہ 'یہ کبھی فراموش نہیں کیا جاسکتا کہ ایک شخص ایک قوم اور ایک ہی مقصد کے لیے کھڑا ہے'۔
انہوں نے کہا کہ 'آپ کے الفاظ اور آنسوؤں سے ظاہر ہے کہ آپ نے پاکستان کے لیے کیا قربانی دی، مشرق کے شیر کو سلام پیش کرتا ہوں'۔
واضح رہے کہ حکومت کی اتحادی جماعت متحدہ قومی موومنٹ (ایم کیو ایم) پاکستان کی اپوزیشن میں شمولیت کے بعد وزیراعظم عمران خان کی قومی اسمبلی میں اکثریت ختم ہوگئی ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
