31 مارچ ، 2022 
فیفا میں پاکستان کی معطلی کے خاتمے کی راہیں ہموار ہوگئیں
31 مارچ ، 2022
فٹبال کی عالمی تنظیم فیفا میں پاکستان کی معطلی کے خاتمے کی راہیں ہموار ہونے لگی ہیں، فیفا کانگریس کی بھاری اکثریت نے پاکستان کی جانب سے شرائط مکمل ہونے پر پابندی ختم کرنے کے حق میں ووٹ دے دیا ہے۔
فیفا کا 72 واں کانگریس اجلاس قطر کے شہر دوحا میں ہوا جس میں پاکستان کی رکنیت کی بحالی کے حوالے سے ووٹنگ ہوئی جس پر 195 ممبران نے پاکستان کے حق میں جبکہ صرف چار نے اس کے خلاف ووٹ دیا۔
فیفا کانگریس کے ووٹ کے بعد اب فیفا کونسل کو یہ اختیار مل گیا ہے کہ شرائط مکمل ہوتے ہی پاکستان کی معطلی کو ختم کردیا جائے ۔
پاکستان کی معطلی ختم کرنے کی بنیادی شرائط پاکستان فٹ بال فیڈریشن (پی ایف ایف) ہیڈ کوارٹرز اور پی ایف ایف اکاؤنٹس کی باضابطہ طور پر نارملائزیشن کمیٹی کو حوالگی ہیں۔
پی ایف ایف کے دفاتر تو کمیٹی کو مل چکے ہیں البتہ باضابطہ اکاؤنٹس ٹرانسفر ہونے کا عمل ابھی مکمل نہیں ہوا، یہ عمل مکمل ہوتے ہی پاکستان کی معطلی ختم ہوجائے گی۔
واضح رہے کہ گزشتہ سال پاکستان فٹبال فیڈریشن کے دفاتر پر اشفاق حسین گروپ کے قبضہ کے بعد فیفا نے پاکستان کی رکنیت کو معطل کردیا تھا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
