09 اپریل ، 2022 
متحدہ اپوزیشن کی پارلیمانی پارٹی کے اجلاس میں شریک ارکان کی تعداد سامنے آگئی
09 اپریل ، 2022
اسلام آباد: متحدہ اپوزیشن کی مشترکہ پارلیمانی پارٹی کا اجلاس ختم ہوگیا۔
متحدہ اپوزیشن کے مشترکہ پارلیمانی اجلاس میں 176 ارکان قومی اسمبلی شریک ہوئے جب کہ متحدہ اپوزیشن کا ایک رکن قومی اسمبلی چلا گیا اس طرح اپوزیشن کے کل ارکان کی تعداد 177 ہے۔
پاکستان تحریک انصاف کے 22 منحرف ارکان بھی پارلیمنٹ لابی میں موجود تھے۔
متحدہ اپوزیشن کا کہنا ہے کہ آج عدم اعتماد پر ووٹنگ کے علاوہ کوئی اور چیز زیر بحث لائی گئی تو وہ توہین عدالت ہوگی۔
دوسری جانب مسلم لیگ (ن) کی ترجمان مریم اورنگزیب کا کہناتھا کہ کل عمران خان نے اپنے خطاب میں عدم اعتماد کی ووٹنگ کا اعلان کیا، تقاریر اور بحث کے دن ختم ہوچکے، آج صرف عدم اعتماد پر ووٹنگ ہوگی، اس کے علاوہ تمام ایجنڈا غیر قانونی، غیر آئینی ہوگا۔
انہوں نے مزید کہا کہ اب ان کے پاس کوئی حکمت عملی نہیں ہے، اگر یہ دوبارہ آئین شکنی کرنا چاہتے ہیں تو ان کی مرضی۔
مزید خبریں :
توانائی کے حوالے سے جلد اچھی خبر دیں گے، وزیراعظم
8 گھنٹے پہلے
