الیکشن کمیشن فارن فنڈنگ کیس کا 30 روز میں فیصلہ کرے: اسلام آباد ہائیکورٹ

اسلام آباد ہائی کورٹ نے الیکشن کمیشن کو فارن فنڈنگ کیس کا 30 روز میں فیصلہ کرنے کا حکم دے دیا۔

اسلام آباد ہائی کورٹ کے جسٹس محسن اختر کیانی نے تحریری فیصلہ جاری کیا ہے۔

اسلام آباد ہائی کورٹ نے فارن فنڈنگ کیس کا ریکارڈ اکبر ایس بابر کو دینے سے روکنےکی پی ٹی آئی کی درخواست بھی مسترد کردی، اکبر ایس بابر کو ممنوعہ فارن فنڈنگ کیس کی کارروائی سے الگ کرنےکی درخواست بھی مسترد کردی گئی۔

اسلام آباد ہائی کورٹ نے پی ٹی آئی کی اکبر ایس بابر کے خلاف درخواست خارج کردی اور  الیکشن کمیشن کا فیصلہ برقرار رکھا ہے۔

تحریک انصاف نے الیکشن کمیشن کا فیصلہ چیلنج کیا تھا، الیکشن کمیشن نے 25 جنوری اور 31 جنوری کو پی ٹی آئی کی دائر درخواستیں مسترد کر دی تھیں۔

خیال رہے کہ ممنوعہ فارن فنڈنگ کیس نومبر 2014 سے الیکشن کمیشن میں زیر سماعت ہے۔

’فارن فنڈنگ کیس میں پی ٹی آئی کو کالعدم قرار دیا جا سکتا ہے‘

تحریک انصاف کے خلاف فارن فنڈنگ کیس میں الزام درست ثابت ہو گیا تو الیکشن کمیشن کو اختیار ہے کہ پوری جماعت کو کالعدم قرار دیدے: سابق سیکریٹری الیکشن کمیشن

’فنڈنگ کیس سے پارٹی کا محل بہہ جائیگا‘، پی ٹی آئی کے باغی کی پیشگوئی

غیرملکی فنڈنگ کیس سے پاکستان کی سیاست بدل سکتی ہے: اکبر ایس بابر