16 اپریل ، 2022 
ڈپٹی اسپیکر قاسم سوری نے عہدے سے استعفی دیدیا
16 اپریل ، 2022
ڈپٹی اسپیکر قومی اسمبلی قاسم سوری نے اپنے عہدے سے استعفی دے دیا۔
ذرائع کا بتانا ہے کہ قاسم سوری کا استعفی سیکرٹری قومی اسمبلی کے دفتر کو موصول ہو گیا ہے۔
ڈپٹی اسپیکر قومی اسمبلی قاسم سوری نے اپنے استعفے میں لکھا کہ عہدے سے استعفیٰ پارٹی وژن کے مطابق دیا، استعفیٰ پارٹی کی جمہوریت کے ساتھ اس کی وابستگی کی علامت ہے۔
قاسم سوری نے اپنے استعفے میں لکھا کہ پاکستان کی خودمختاری اورسالمیت پرکبھی سمجھوتہ نہیں کریں گے، ملک کی آزادی کے تحفظ کے لیے کسی بھی حد تک جائیں گے۔
قومی اسمبلی کا اجلاس وزیراعظم شہباز شریف کی جانب سے توجہ دلانے پر آج دوپہر 12 بجے ہو گا۔
آج ہونے والے قومی اسمبلی کے اجلاس میں اسپیکر کے حلف کے بعد ڈپٹی اسپیکر قاسم سوری کے خلاف تحریک عدم اعتماد پر ووٹنگ ہونی تھی۔
یاد رہے کہ اس سے قبل اسپیکر قومی اسمبلی اسد قیصر بھی اپنے عہدے سے استعفیٰ دے چکے ہیں۔
