اکشے کمار نے اپنے مداحوں سے کیوں معافی مانگی؟

بالی وڈ سپر اسٹار اکشے کمار نے اپنے مداحوں سے معافی مانگ لی لیکن کیا آپ جانتے ہیں انہوں نے ایسا کیوں کیا؟

بھارتی میڈیا رپورٹس کے مطابق بالی اداکار اکشے کمار نے ایک مشہور الائچی برانڈ کے برانڈ ایمبیسیڈر کے عہدے سے استعفیٰ دے دیا اور مداحوں سے معافی بھی مانگ لی۔

معاملہ کیا ہے؟

اداکار کو حال ہی میں الائچی کے ایک ایسے برانڈ کے اشتہار میں دیکھا گیا جو تمباکو بھی بناتا ہے۔اکشے کمار نے ماضی میں ایسے بیانات دیے جس میں ان کا کہنا تھا کہ وہ کبھی بھی ایسے پروڈکٹ کے اشتہار میں کام نہیں کریں گے جو مضر صحت ہیں۔

تاہم جب اکشے کمار نے حال ہی میں الائچی برانڈ کا اشتہار کیا تو  مداحوں کی جانب سے ان پر کافی تنقید کی گئی تھی۔

لہٰذا اکشے کمار نے  برانڈ کے اشتہار میں کام کرنے پر معافی مانگی اورساتھ ہی اس سے کمائے جانے والے پیسے بھی نیک مقصد کیلئے عطیہ کرنے کا اعلان کیا۔

اکشے کمار نے ٹوئٹ کرتے ہوئے لکھا کہ 'مجھے افسوس ہے۔ میں  اپنے تمام مداحوں سے معذرت چاہتا ہوں، پچھلے کچھ دنوں میں آپ کے ردعمل نے مجھے گہرا متاثر کیا '۔

اکشے کمار سے جھگڑے کی خبریں،کپل کا بیان سامنے آگیا

بھارتی میڈیا میں اکشے کمار اور کپل کے درمیان جھگڑے کی خبریں گردش کررہی تھیں اور کہا جارہا تھا کہ اکشے 'دی کپل شرما شو' میں اپنی اگلی فلم 'بچن پانڈے' کی پروموشن کے لیے نہیں آئیں گے۔

اکشے کمار نے فلموں میں کام کا اپنا معاوضہ 100 کروڑ سے بھی بڑھا دیا

اکشے کمار نے 2021 میں ریلیز ہونے والی فلم کا معاوضہ 117 کروڑ بھارتی روپے وصول کیا ہے: میڈیا رپورٹس