استعفے کے بعد بحالی، بزدار کی سربراہی میں کابینہ اجلاس، اعلامیہ بھی جاری

لاہور: گورنرکی جانب سے عثمان بزدار کو بحال کیے جانے کے بعد بزدار کابینہ کے اجلاس کا اعلامیہ جاری کردیا گیا ہے۔

اعلامیے کے مطابق پنجاب کابینہ کا آج کا اجلاس گورنر کے احکامات کے تحت ہوا جس میں کابینہ نے گورنر ہاؤس میں پید اشدہ صورتحال پر تشویش کا اظہار کرتے ہوئے کہا کہ گورنرپنجاب کے آئینی احکامات کی موجودگی میں حمزہ شہباز کا حلف مزیدآئینی بحران پیدا کرےگا۔

اعلامیے میں کہا گیا  ہےکہ پی ٹی آئی کے ایم پی ایز کی طرف سے ہائیکورٹ میں انٹرا کورٹ اپیل ابھی زیرسماعت ہے،بحران سے بچنے کے لیے ہمیں عدالتی احکامات  کا انتظار  کرنا چاہیے، انتظامیہ فریق نہ بنے، پولیس کےذریعےگورنرہاؤس پرچڑھائی، قبضہ اورفسطائیت نہ کرے۔

اعلامیے میں مزید کہا گیا ہےکہ اجلاس کی آئینی اورقانونی حیثیت مسلمہ ہے،کابینہ نے حمزہ شہباز کے الیکشن کو متنازع اور غیر قانونی و غیرآئینی قرار دیا ہے، گورنر پنجاب کے احکامات کی تشریح کے لیے عدالت عالیہ ہی مناسب فورم ہے،عدالت سے تشریح کے لیے رجوع کیا جارہا ہے۔

گورنر پنجاب نے عثمان بزدار کا استعفیٰ اعتراض لگا کر مسترد کر دیا

عثمان بزدار کا استعفیٰ آرٹیکل 130کے سب سیکشن آٹھ کے تقاضے پورے نہیں کرتا: گورنر پنجاب

’گورنر ہاؤس پر غنڈوں نے قبضہ کر لیا ہے‘، گورنر پنجاب کا صدر مملکت سے رابطہ

اجازت کے بغیر گورنر ہاؤس میں سیکڑوں پولیس اہلکار بھیجے گئے، گورنر ہاؤس پر انتظامی طور پر آئین شکنی کی گئی: عمر سرفراز چیمہ