13 مئی ، 2022 
پاکستان
گزشتہ شب کراچی کے علاقے صدر میں داؤد پوتہ روڑ پر دھماکا ہوا جس کے نتیجے میں ایک شخص جاں بحق اور 13 زخمی ہوگئے جبکہ کئی گاڑیوں کونقصان پہنچا ہے۔—فوٹو: اسکرین گریب
کراچی بم دھماکے کا مقدمہ سی ٹی ڈی تھانے میں درج کرلیا گیا
13 مئی ، 2022
کراچی کے علاقے صدر میں گزشتہ شب ہوئے بم دھماکے کا مقدمہ کاؤنٹر ٹیررازم ڈپارٹمنٹ( سی ٹی ڈی) تھانے میں درج کرلیا گیا ہے۔
پولیس کے مطابق مقدمہ ایس ایچ او پریڈی کی مدعیت میں درج کیا گیا اور مقدمے میں انسداد دہشت گردی کی دفعات شامل کی گئی ہیں۔
پولیس کا کہنا ہے کہ مقدمے میں بم ڈسپوزل( بی ڈی) رپورٹ کو بھی شامل کیا گیا ہے۔
واضح رہے کہ گزشتہ شب کراچی کے علاقے صدر میں داؤد پوتہ روڑ پر دھماکا ہوا جس کے نتیجے میں ایک شخص جاں بحق اور 13 زخمی ہوگئے جبکہ کئی گاڑیوں کونقصان پہنچا ہے۔
