صدر دھماکے کے دوران لڑکی کے مبینہ اغوا کا انکشاف

کراچی کے علاقے صدر میں ہونے والے دھماکے کے بعد  بھگدڑ کے نتیجے میں لڑکی کے اغوا کا انکشاف ہوا ہے۔

12  مئی کو صدر میں ہونے والے دھماکے کے بعد بھگدڑ کے دوران 15 سالہ لڑکی کے مبینہ اغوا کی خبر سامنے آئی۔

پولیس کا کہنا ہےکہ 15 سالہ لڑکی کے اغوا کا مقدمہ پریڈی تھانے میں لڑکی کے بھائی کی مدعیت  میں نامعلوم افراد کے خلاف درج کیا گیا ہے۔

لڑکی کے بھائی کے کہنا تھاکہ میری اہلیہ، بہن اور والدہ پنجاب کالونی سے خریداری کے لیے صدر آئے تھے، اسی دوران  دھماکا ہوا تو بھگدڑ مچ گئی جس کے نتیجے میں والدہ بے ہوش ہوکر گر گئیں جب کہ والدہ کے ہوش آنے پر بہن سویرا لاپتا ہوگئی۔

کراچی بم دھماکے کا مقدمہ سی ٹی ڈی تھانے میں درج کرلیا گیا

گزشتہ شب کراچی کے علاقے صدر میں داؤد پوتہ روڑ پر دھماکا ہوا جس کے نتیجے میں ایک شخص جاں بحق اور 13 زخمی ہوگئے جبکہ کئی گاڑیوں کونقصان پہنچا ہے۔

کراچی کے علاقے صدر میں کوسٹ گارڈز کی گاڑی کے قریب دھماکا، ایک شخص جاں بحق

دھماکا 10 بجکر 52 منٹ پر کچرا کنڈی میں ہوا، دھماکہ خیز مواد سائیکل میں نصب تھا جس میں تقریباً 2سے ڈھائی کلوگرام دھماکا خیز مواد استعمال کیا گیا