19 مئی ، 2022 
پاکستان
پولیس کی شہریوں سے کسی بھی مشکوک گاڑی، موٹرسائیکل یا پارسل دیکھ کر پولیس کو اطلاع دینے کی اپیل/ فائل فوٹو
کراچی: دہشتگردی کی روک تھام کیلئے پولیس کی شہریوں سے اپیل
19 مئی ، 2022
کراچی میں دہشتگردی کی روک تھام کے لیے پولیس نے شہریوں سے تعاون کی اپیل کردی۔
کراچی میں اولڈ سٹی ایریا کے ایس ایچ اوز نے پیدل گشت کرکے میگا فون پر اعلان کیے اور شہریوں سے کسی بھی مشکوک گاڑی، موٹرسائیکل یا پارسل دیکھ کر پولیس کو اطلاع دینے کی اپیل کی۔
دوسری جانب ایڈیشنل آئی جی کراچی کی زیرصدارت سکیورٹی صورتحال پراجلاس ہوا جس میں کراچی پولیس چیف غلام نبی میمن نے کہاکہ ٹریفک پولیس اہلکاروں کے ساتھ ایک اہلکارمسلح ہوگا۔
ایڈیشنل آئی جی کراچی نے پولیس اہلکاروں کو بلٹ پروف جیکٹ لازمی پہننے کی ہدایت کی۔
