اسپیکر پرویز الٰہی نے پنجاب اسمبلی کا اجلاس کل طلب کرلیا

لاہور: اسپیکر  پنجاب اسمبلی نے ایوان کا اجلاس کل طلب کرلیا۔

اسپیکر پنجاب اسمبلی چوہدری پرویز الٰہی نے اسمبلی کا اجلاس 22 مئی بروز اتوار کو طلب کیا  ہے جب کہ اس سے قبل یہ اجلاس 30 مئی  کو طلب کیا گیاتھا۔

ذرائع کاکہنا ہےکہ اسپیکر چوہدری پرویز الٰہی نے آئینی اختیارات استعمال کرتے ہوئے اجلاس کی تاریخ میں تبدیلی کی۔

اسپیکر پنجاب اسمبلی کی طرف سے اسمبلی کا اجلاس 22 مئی کو طلب کرنےکا نوٹیفیکیشن جاری کردیا گیا ہے۔

واضح  رہےکہ الیکشن کمیشن  نے گزشتہ روز پی ٹی آئی کے منحرف ارکان پنجاب اسمبلی کے خلاف ریفرنس منظور  کرتے ہوئے 25 ارکان کو ڈی سیٹ کردیا  ہے جس کے بعد اپوزیش کاکہنا ہےکہ حمزہ  شہباز اب وزیراعلیٰ نہیں رہے اور اسمبلی کا اجلاس  دوبارہ طلب کرکے وزیراعلیٰ کا انتخاب کیا جائے گا۔

وزیراعلیٰ کے انتخاب میں حمزہ شہباز کو ووٹ دینے والے 25 پی ٹی آئی ارکان ڈی سیٹ قرار

ڈی سیٹ ہونیوالوں میں 5 ارکان کا تعلق علیم خان گروپ، 4 کا اسد کھوکھر گروپ اور 16 ارکان کا تعلق جہانگیرترین گروپ سے ہے۔

الیکشن کمشین کے فیصلے سے پنجاب میں ن لیگ کی حکومت پر اثر نہیں پڑے گا، مریم اورنگزیب

مریم اورنگزیب نے الیکشن کمیشن سے مطالبہ کیا کہ فارن فنڈنگ کیس میں پوری تحریک انصاف کو کالعدم قرار دیا جائے