بھارت میں ایکسائز ڈیوٹی میں کمی کے بعد فی لیٹر پیٹرول کتنےکا ہوگیا ؟

بھارت میں پیٹرولیم مصنوعات پر ایکسائز ڈیوٹی کم کردی گئی  ہے جس کے باعث پیٹرول کی قیمت میں ساڑھےنو (بھارتی) روپے فی لیٹرکمی ہوئی ہے۔

بھارتی میڈیا کے مطابق  سینٹرل ایکسائز ڈیوٹی کم ہونےکے بعد پیٹرول کی قیمت میں ساڑھے نو روپے فی لیٹر اور ڈیزل کی قیمت میں سات روپے فی لیٹرکی کمی ہوئی ہے۔

بھارتی میڈیا کا کہنا ہےکہ اس سے قبل  فی لیٹرپیٹرول کی قیمت 105 روپے اور ڈیزل کی قیمت 96 روپے تھی۔

قیمتوں میں کمی کے بعد  فی لیٹر پیٹرول کی قیمت 95.91 روپے اور فی لیٹر ڈیزل کی قیمت  89.67 روپے ہوگئی ہے۔

بھارت میں فی لیٹر پیٹرول کی موجودہ قیمت کمی کے بعد پاکستانی کرنسی میں 247.05 روپے بنتی ہے جب کہ فی لیٹر ڈیزل کی قیمت پاکستانی کرنسی میں 230.98 روپے بنتی ہے۔

خیال رہےکہ پاکستان میں پیٹرول کی فی لیٹر قیمت 149 روپے 86 پیسےہے اور فی لیٹرہائی اسپیڈ ڈیزل 144 روپے 15 پیسے پر فروخت ہورہا ہے۔

پیٹرولیم مصنوعات کی قیمتوں پر 55 ارب 48 کروڑ روپے کی سبسڈی کی منظوری

ای سی سی کے جلاس میں فیصلہ کیا گیا کہ یکم تا 15مئی پیٹرولیم مصنوعات کی قیمتیں برقرار رکھنے پر سبسڈی دی جائےگی

پاکستان بزنس کونسل کا ایندھن پر ٹارگٹڈ سبسڈی دینے کا مطالبہ

استحکام کے تمام راستے عالمی مالیاتی ادارے ( آئی ایم ایف ) سے ہو کر گزرتے ہیں: پاکستان بزنس کونسل