30 مئی ، 2022 
پاکستان
آرٹیکل 63 اےکی تشریح کے بعد حمزہ شہباز وزیر اعلی نہیں رہے، وہ اب اکثریت کھو چکے ہیں: درخواست میں مؤقف/ فائل فوٹو
محمود الرشید نے حمزہ شہباز کو عہدے سے ہٹانے کیلئے درخواست دائر کردی
30 مئی ، 2022
لاہور: پی ٹی آئی رہنما میاں محمود الرشید نے وزیراعلیٰ پنجاب حمزہ شہباز کو عہدے سے ہٹانے کے لیے درخواست دائر کردی۔
پنجاب کے سابق وزیر میاں محمود الرشید کی جانب سے دائر درخواست میں وزیراعلیٰ پنجاب حمزہ شہباز اور چیف سیکرٹری کو فریق بنایا گیا ہے۔
درخواست میں مؤقف اختیار کیا گیا ہےکہ آرٹیکل 63 اےکی تشریح کے بعد حمزہ شہباز وزیر اعلی نہیں رہے، وہ اب اکثریت کھو چکے ہیں۔
درخواست میں کہا گیا ہےکہ حمزہ شہباز غیر قانونی طور پر وزیراعلیٰ کا منصب استعمال کر رہے ہیں لہٰذا انہیں منصب سے ہٹایا جائے۔
لاہور ہائیکورٹ نے میاں محمود الرشید کی درخواست پر کہا کہ آپ کی درخواست کو مرکزی کیس کے ساتھ سنیں گے۔
