02 جون ، 2022 
ویڈیو: گھر کی چھت سے کرین کے ذریعے اتارا جانیوالا بیل نیچے آگرا
02 جون ، 2022
عید الاضحیٰ کی آمد سے قبل ہی لوگ قربانی کے جانور وں کی خریداری شروع کردیتے ہیں اور کچھ افراد قربانی کے لیے جانور گھروں کی چھت پر بھی پالتے ہیں جنہیں اتارنے کےلیے خصوصی طور پر کرین منگوائی جاتی ہےلیکن کبھی کبھی اس دوران ناخوشگوار واقعات بھی پیش آجاتے ہیں۔
حال ہی میں عمارت کی چھت سے بیل اتارنے کی ویڈیو سامنے آئی جو سوشل میڈیا پر وائرل ہے۔
وائرل ویڈیو کراچی کی ہے جہاں ایک عمارت سے کرین کے ذریعے بیل کو اتارا جارہا ہے جسے دیکھنے کےلیے اہل محلہ کی بڑی تعداد موجود ہے۔
اس دوران بھاری بھرکم بیل کو جیسے ہی اتارنے کےلیے کرین کے ساتھ باندھا گیا تو وہ اپنا توازن کھو بیٹھا اور نیچے کرین پر آگرا جس سے کرین کی ونڈ اسکرین ٹوٹ گئی اور چھت کو بھی نقصان پہنچا جب کہ کرین میں بیٹھا شخص بھی معمولی زخمی ہوا۔
