بھارت: پروفیسر کو کالج کیمپس میں نماز پڑھنے پر چھٹی پر بھیج دیا گیا

بھارتی شہر علی گڑھ کے ایک نجی کالج کے پروفیسر کو کیمپس کے احاطے میں نماز  پڑھنے  پر حکام نے  جبری چھٹی پر بھیج دیا۔

بھارتی میڈیا رپورٹس کے مطابق کچھ دن قبل سوشل میڈیا پر ایک ویڈیو سامنے آئی تھی جس میں علی گڑھ میں واقع  شری ورشنی کالج کے پروفیسر ایس کے خالد کو کیمپس کے اندر ایک پارک میں نماز پڑھتے ہوئے دیکھا گیا۔

جیسے ہی ویڈیو سوشل میڈیا پر وائرل ہوئی ،دائیں بازو کی تنظیموں بشمول بھارتیہ جنتا پارٹی (بی جے پی) اور یووا مورچہ نے پروفیسر اور کالج کے خلاف احتجاج کیا۔

تاہم اس ویڈیو کو کالج حکام کے نوٹس میں لایا گیا اور ایک تحقیقاتی پینل تشکیل دیا گیا۔

حکام نے بتایا کہ اتوار کو قائم کیا گیا پینل اس ہفتے اپنی رپورٹ پیش کرنے والا ہے،کالج کے پرنسپل کے مطابق  تحقیقات کا آغاز کر دیا گیا ہے جو کیس کے حقائق کا جائزہ لے گی، پینل کے فیصلے کے مطابق مزید کارروائی کی جائے گی۔

دوسری جانب پروفیسر ایس کے خالد کا کہنا ہے کہ  میں نماز کے لیے مسجد نہیں جا سکا کیونکہ میری کمر میں درد تھا اور ڈیوٹی کے لیے  بھی دیر ہو رہی تھی اس لیے کیمپس کے پارک میں نماز اداکی۔

بھارت: ہندو انتہا پسندوں نے بچوں کو اسکول میں نماز جمعہ پڑھنے سے روک دیا

اسکول پرنسپل کی جانب سے مسلمان بچوں کو ہر جمعے کلاس روم میں نماز کی ادائیگی کی اجازت دی گئی تھی: بھارتی میڈیا

بھارت: سیکڑوں مساجد میں اذان کی آوازیں دھیمی کردی گئیں

مغربی ریاست میں ہندو سیاستدانوں کے مطالبے پر 900 سے زائد مساجدوں میں اذان کی آوازوں کو دھیما رکھنے پر اتفاق کیا ہے۔